20 de septiembre de 2024
20 mayo, 2024
O Concello de Oroso abre o prazo de inscrición na décima edición da Carreira Pedestre “Concello de Oroso”, que terá lugar o domingo 26 de maio ás 10:00 horas cun percorrido de 10 km.
As probas disputaranse na localidade de Sigüeiro – Oroso. A saída e chegada de cada proba farase na rúa Camiño Inglés a carón da casa do Concello.
Os dorsais poderanse recoller nas oficinas do Centro Deportivo Municipal o sábado 25 de maio de 10:00 a 14:00 e de 17:00 a 20:00 horas (opción recomendable especialmente para participantes locais). O día da proba os dorsais recolleranse no Centro Cívico situado a carón da saída da proba. Haberá prazo límite de 30 minutos antes de cada proba correspondente.