O concello de Ames advirte da propagación dun virus no centro de educación primaria de Ventín

O concello de Ames publicou onte nas súas redes sociais que estaban a traballar coa colaboración da Consellería de Sanidade  para determinar as causas dunha sintomatoloxía común de vómitos e diarreas entre os monitores e alumnado do CEP de Ventín.

No comunicado emitido, o goberno local recomenda a toda a comunidade educativa que presente unha indisposición similar á descrita que se poñan en contacto co número de teléfono 649 829 090.

Tamén poñen a dispocición dos veciños do termo municipal amiense o servizo WhatsAmes, que estará habilitado toda a fin de semana, no número de teléfono 606 714 163.