14 mayo, 2024
O Concello de Oroso ven de aprobar o Orzamento Municipal para o ano 2024, os cales recibiron o voto afirmativo do Partido Popular e a negativa de PSOE e BNG, cun claro enfoque no gasto social e na conciliación familiar. Así o orzamento, que ascende a un total de 8.7 millóns de euros, prioriza o benestar «maiores e nenos», destinando unha partida de 800.000 € para o Servizo de Axuda no Fogar e 120.000 € para o programa Concilia da Xunta de Galicia.
Ademais, o texto tamén contempla un total de 37 actuacións de investimento, que suman máis de 1.7 millóns de euros, e que estarán centradas na creación de postos de traballo, con 4 postos polo PEL, 2 polo Aprol Rural e 2 para vítimas de violencia de xénero financiadas pola Xunta de Galicia. Ademais, haberá sendos Obradoiros de Emprego que permitirán formar a 9 desempregados do municipio.
Outra novidade será tamén a posta en marcha dun programa de axudas para as Comisións de Festas, co fin de promover a igualdade e a flexibilidade nos gastos. Un programa será igualitario para todas as comisións, e serán elas as que decidirán en que gastar as axudas recibidas.
«En resumo, o Orzamento Municipal de Oroso para o ano 2024 é un presuposto realista e axustado ao contexto e posibilidades do municipio, que prioriza o gasto social e a creación de emprego, buscando sempre o benestar e o progreso», destacou o Concello.