13 mayo, 2024
O Museo do Gravado de Ribeira ven de anunciar dúas novas exposicións que se inaugurarán de forma oficial neste mes de maio.
SALA 1: Exposición OS TRABALLOS DE HÉRCULES. Colección de gravados dos fondos académicos
Esta exposición procede dos fondos da Real Academia Galega de Belas Artes que vai celebrar os 175 anos da súa creación durante o ano 2024-2025, e con ela inícianse os actos de celebración desta efeméride da Academia elixindo o Museo do Gravado como primeiro lugar expositivo para esta celebración.
A inauguración terá lugar o 23 de maio, ás 12.30 h e asistirá o conselleiro de Cultura, Lingua e Xuventude, D. José López Campos, e mais o presidente da RAGBA, D. Manuel Quintana Martelo, ademais doutros académicos e autoridades.
SALA 2: Exposición Os Monos de Laxeiro. Obra humorística na prensa
Exposición procedente da Fundación Laxeiro de Vigo. A inauguración terá lugar o 31 de maio, ás 12.30 h. Está previsto que asista o alcalde de Vigo, D. Abel Caballero e o director artístico da Fundación Laxeiro, D. Javier Pérez Buján, entre outras autoridades.