Intervencións en 14 puntos en Santiago buscarán mellorar a accesibilidade nas rúas compostelanas

Co claro obxectivo de mellorar a accesibilidade na capital compostelá, o executivo local aprobou un proxecto que recolle 14 actuacións para a eliminación «doutras tantas incidencias na vía pública que dificultan a accesibilidade das persoas con mobilidade reducida».

Foi na súa sesión ordinaria cando a Xunta de Goberno local deu luz verde a un proxecto que contará cun orzamento de 237.470,05 €, IVE engadido, e un prazo de execución de 8 meses.

Xurdido de froito coa colaboración con COGAMI, os traballos consistirán principalmente na «demolición de pavimentos e bordos, escavación de terreos e recheos, nivelación con formigón e pavimentación de beirarrúas, elevación de pasos de peóns e instalación de novos sumidoiros, nova pavimentación podotáctil, retirada de sinalización e recolocación e colocación de varandas».

Maioritariamente, as actuacións terán lugar en pasos de peóns e itinerarios peonís neste puntos.

Rúa do Río, xunto ao cruzamento coa rúa do Lavadoiro; rúa do Lavadoiro, xunto á Escola Infantil Municipal de Meixonfrío; cruzamento da rúa do Avío, rotonda superior da rúa; paso de peóns na rúa do Avío; cruzamento da rúa dos Irmandiños; paso de peóns e praza do aparcadoiro na rúa dos Xasmíns, cruzamento coa ruela da Estila; cruzamento das rúas de Betanzos e de Proxecto Vagalume, acceso ao CEIP Apóstol Santiago; paso de peóns na rúa de Betanzos, xunto ao camiño peonil cara á rúa de Tomiño; cruzamento da avenida Qurioga Palacios e Costa do Vedor; cruzamento na rúa Gómez Ulla, cruzamento coa rúa do Hórreo; paso de peóns na rúa do Outeiro do Sar, cruzamento coa rúa de Dublín; paso de peóns na rúa de Dublín, xunto á Costa do Vieiro; rúa de Berlín, entorno do acceso ao Centro Comercial Área Central; rúa de Varsovia, pasos de peóns no entorno de acceso ao Centro Comercial Área Central.

OUTROS ASUNTOS

O Concello de Santiago e a Deputación da Coruña asinan un convenio para a execución das obras do tramo 2 da «Vía Verde-Santiago de Compostela», cun orzamento de 1.023.407,8 euros, dos cales o Concello achegará 144.981,56 euros. Este tramo estende 8.015 metros e inclúe o túnel de Reconco e dúas pontes. Entre as actuacións, está o acondicionamento do acceso á estación de Verdía con área de descanso e instalacións para bicicletas eléctricas.

Tamén se aprobou un convenio coa Xunta de Galicia para sufragar gastos relacionados coa capitalidade de Galicia en 2024, con unha achega de 2.392.425 euros. Ademais, foi aprobado un convenio coa Cociña Económica por un importe de 60.000 euros