19 septiembre, 2024
A galega Chus Pato vén de ser recoñecida co Premio Nacional de Poesía polo seu libro ‘Sonora’. A distinción que outorga o Ministerio de Cultura seleccionou o seu poemario que trata unha conversación «entre o poema a morte»:
A obra foi escollida por un xurado que destacou que se tratase dun formato «experimental» e a forma que ten a autora de «arrastrar aos lectores cara o abismo da propia liñaxe» ao falar da orfandade da nai. Neste traballo a memoria persoal, social e política mestúranse acadando «reconstruír os marcos do pensamento poético internacional», segundo o fallo do certame.
María Jesús Pato Díaz, máis coñecida coma Chus Pato, é unha das poetisas galegas contemporáneas. É membro do PEN Club, de Redes Escarlata e Mujeres y Letras, ademais ingresou o pasado 2017 na Real Academia Galega.
O premio, dotado con 30.000 euros, xa recoñeceu o ano pasado a outra galega, Yolanda Castaño. A lingua galega acada así a súa segunda vitoria consecutiva grazas á poesía.