Mercado de froitas, legumes e queixos, en Melide

Todos os domingos do ano produtores e vendedores de froitas, queixos, mel, chourizos e produtos gastronómicos tradicionais, traen as súas mercadorías a Melide. A praza das Coles acolle dende primeiras horas da mañá aos vendedores de froitas frescas de primeira calidade, tanto da Comarca da Terra de Melide coma de fora. Perto de alí, na rúa Alfóndiga (debaixo do Concello) expóñense os queixos do país xunto con produtos cárnicos caseiros, en especial chourizos e ovos. Fotos: Concello de Melide