A Selección Galega masculina de fútbol sala cae ante Cataluña nun envite frenético

RFGF

Na recta final do partido e coas botas postas. A Selección Galega masculina caeu no seu regreso ás pistas ante Cataluña (4-3) nun duelo que se lle escapou na recta final. Galicia foi por diante no electrónico durante gran parte do envite, pero o bloque local obrou a remontada e levou o triunfo grazas a un lanzamento desde os 10 metros.

Do mesmo xeito que na cita feminina, os primeiros 20 minutos do encontro masculino foron dun ritmo frenético. Así, Galicia logrou poñerse por diante na primeira chegada co gol de Pachu, que definiu que dá xenio ante a media saída de Feixas.

A alegría duroulle pouco aos nosos, posto que Cardona empataría a contenda un minuto máis tarde.

Antes do descanso, os de Diego Ríos volverían golpear cun tanto de Pirata nunha acción a balón parado. Con todo, Cataluña, por medio de Eric Martel, anotaría o 2-2 xusto antes do intermedio.

Na continuación, Verdejo, na primeira chegada do conxunto local, adiantaría por primeira vez no electrónico ao elenco preparado por Santi Gea ao definir ante Yerai. Malia todo, os nosos foron arriba con todo na procura do empate e Adri sacou a variña para empatar o encontro a falta de 10 minutos para o final.

Na recta final, os dous equipos foron na procura da vitoria e foi Cataluña quen se adiantou no marcador grazas a un lanzamento desde 10 metros que anotou Verdejo a falta de dous minutos para o final do encontro.

Ficha técnica

CATALUÑA

Miquel Feixas, Tolrá, Eric Martel, Cardona e Verdejo. Tamén xogaron Lavado, David Peña, García, Panés, Iker FV, Juanfran e Beumala.

Seleccionador: Santi Gea.

GALICIA

Edu, Pachu, Pirata, David Pazos e Álex Diz. Tamén xogaron Yerai, Iván Rumbo, Pitero, Rubi, Isma, Adri e Iago Rodríguez.

Seleccionador: Diego Ríos.

ÁRBITROS: Francesc García, Donás Salvador e Iván López.

0-1 | Pachu, min. 2.

1-1 | Cardona, min. 3.

1-2 | Pirata, min. 4.

2-2 | Eric Martel, min. 19.